Am 3. Dezember, i wor grod in dor Schual, leitet mein Handy. Dor Stefan mein Leiter wors und i heb o. Er hot gsog es isch a Plotz fir Thailond frei gwordn und i muass mi schnell entscheidn, weil 3 Wochn drau isch jo olls schun los gongen. I wor volle paff und iborglicklich, inerholb fa an Tog hom sich meine Eltorn gmiasst entscheidn.... Schlussendlich noch a poor Krisen hots nor zun Glick JO ghoassn. De 3 Wochn sein nor wia in Flug vorgongen und nor wor a schun dor 25. Dezember. Um holbe 7 hom mi meine Leitor dor Stefan und dor Lupo zusommen mit meine Eltern oi noch Venedig gebrocht, von wo mein Fliagor aus gstartet isch. Nor ischs auf noch Rom gongen wo sich meine gonze Gruppe, die Orsa minore getroffen hot. I wor supor norves, weil i de Leit jo olle no net gekennt hon. Von sem aus ischs weitor gongen noch Bankok,10 Stunden long.
Entn unkemmen, hom ins schun a poor Thailändische Pfadi erwortet. Sie hom ins gezoag wos zun Bus geat. Sobold mor ausi sein fan Flughofen hots ins erstor amol zrug gschlogen. Es wor prutal hoass 37 Grad; hel wor so die Durchschnittstempeatur, obr oan-mol worn sogor 44. Vorn eigent-lichen Jamboree wor mor in an Zwischnlogor untorgebrocht, lei fir oane Nocht. In nächsten Tog in dor Fria seimor mitn Zug noch Sattahip gfohrn, zun Megalogorplotz. Drauf hom mor insre Sochn und Zelte zu insorn Stellplotz ge-procht. Mir worn in Untorlogor D4:Mediterrean Sea. Sem worn ano Belgier, Thailändor, Deitsche, Schweitzer, Singapur, Engländor,Mosambikaner, Schweden und Finnen.
Und sofort in erstn Tog seimor afn Strond ausi, wundorschians worms, saubors Wosser!!!!
Am 28. Afnocht wor die Eröffnungsfeior, in a Riesnarena wo olle Leit von gonzn Jamboree drein worn. Oanfoch gigantisch,so viele Leit. Sem wor a die Sylvesterfeior, hel wor a prutal bärig, sogor mit Fuiorwerk. Und die Obschlussfeior net zu vorgessn, hel wor lei a wian traurig, weil olls so schnell förtig wor und mor in nächstn Tog schun zomgepockt hoben.
Oanmol hom mor an Internationalen Tog gmocht, wo jedes Lond a typisches Gericht gmocht hot und du überoll kosten hosch gekennt.Mir hom logisch Pasta gmocht. mmmmhhhhhhhhh....
Anschuschten wors Essn net noch mein geschmok, hel hoasst mir hom so Lunchpackete gekriag (fost jedn Tog) mit Massenproduktionsessn drein. pfui.
Afnocht worn in die Untercamps oft so Festlen wo olle ihr Lond vorgstellt hoben. Und da die Italiener im Zeichen von Marco Polo gfohrn sein, hom mor seine Geschichte aufgfiehrt.
Und an a poor Tog hom mor Workshops gmocht, ibor die verschiedenen Religionen, Kulturen z.B. Nor hots no die Stodt der Wissenschoft gebn die sel hom mor a ungschaug und 2 Workshops gmocht. Bei de Workshops wor man in gemischte Gruppen wo du wirklich Leit fa iborol her kennen glernt hosch. Am Ende hot man nor olm a Pickerle gekriag des gebraucht hot, um am Ende es Obzeichn und es Diplom von dor Teilnahme am Jamboree zu kriagn.
Mir sein a ausi gfohrn von Logerplotz um a Busholtestelle in an Dorf unzumolen, oder um ins Minisiam zu gian, hel isch so ebs wia es Italia in Miniatura. Hem hom mor nor a thailendisch tonzn und thailändische Instrumente spieln glernt. Mir worm olm gschützt von dor Polizei und von dor Marine, iboroll sein Soldoten gstonden.
Intressant wor a dor Hike in Dschungel, cool mir hom Offn schrein ghert. Schunscht an Viecher hom mor Elefontn, Schlongen, Spinnen gsegn.
I hon prutal viele Leit kennen glernt mit a poor bin i ano in Kontakt. Do sein so viele Freindschoftn entstondn und die Obschiede worn sooooooo traurig.
Nochn Jamboree isch dor gonze ital. Kontingent no 3 Tog Bankok unschaugn gongen. Gschlofn hom mor in a Schual. Die Stodt isch echt beeindruckend, reich und orm worn gleim neben anond. Mir hoben Tempel und Paläste ungschaug und a heilige Stätte. Leidor wors nor a schun vorbei....zruggflogn seimor 12 Stunden.In Rom hot sich insore Gruppe nor vorobschieded und olle sein nor in an ondere Richtung weitorgflogen. Sardinien, Mailond, Turin,Venedig....
Mit viele bin i no in Kontakt und i hoff der bleibt Aufrecht und dass mor ins no amol segn!!!!!
Es wor wunder wunder schian, fost net zun beschreibn, i hon viel glernt und des hot mor volle viel gebrocht....

Judith Valentin

Also nun jo wia wors? Es wor volle geil, i hons in Unfong net wohr hoben gekennt.
In Fliager erst recht ,des wor so a unbeschreibliches Gefühl =THAI-LOND= foscht ans ondere Ende dor Welt (ok des isch iatz übertrieben), ober für mi, ma i bin no nia mit an Fliager gflogen und no nia so weit!
Af jeden Foll Ankunft in Bangok hom mor gmiast afn Bus worten so umane 13 sein  mor in Bus ein-gstiegen so ca. um 20  sein in Jamboree unkemmen ober bis mor in Camp D2 unkemmen sein hot wieder a Weilele gedauert. Um Mitternocht hom mor di Zelter aufstellen gmiast .. es wor dunkel un hoas mir worn olle miad von der longen Fohrt ober mir hoben net schlofen gekennt weil mir di Zeit von Italien gegwent worn!
Inser Camp wor gleim bein Meer, und jedes Camp isch eingetoalt gworden wenn mor gean terfen. Mir hoben olben geterft Vormittog gean von 7 Uhr morgens bis 12 oder 13 Uhr mittog. Insgesommt wor mor 3 mol am Meer. Jo und atz werden sich viele frogen, wos hoben de an di onderen Tog so getun?
Jo jedes Lond hot verschieden Korten gekriag wo oben gstonden isch wos mon tuat und wo`s sich und wia spet des isch und ob mon in dor Sippe gean muas oder aloan. Und do hom mor verschiedene Sochen unternummen z.B. Rafting im Meer, Rudern lernen, Segeln lernen, thailändische Tänze-Küche kennenlernen und ausprobieren, YOGA, Wissenschaftliches Wissen erkundigen do hots verschiedene Kurse geben mit Physik, Chemie, u.s.w., nor hots no verschiedene Sportorten geben z.B. Thai-boxing.
Monchmol hom mor an freien Tog und mehrmols an freien Oben kop, sel wor es schianschte!!
Donn wor es kennenlernen von inseren gonzen Camp D2, jedes Lond hot gmiast eppes vorführen mir hoben so a ort Bühne kop lei anstodt Holzboden, so a Hügel wor und ausgegliechen das niergends Löcher oder wo mon holt ausi stolpert!
Es wor a amol a Tog wo jedes Lond gekocht hot in inseren Camp und donn hot mon gekennt zu di onderen gean und di Kochkünste der onderen Länder kosten!! Sel wor guat!!!!
Bei ins sein volle viele kemmen oan mol wo mir di Amerikaner zu ins af Nocht eingloden hoben, hoben sie gsog, das so wia mirs kochen viel besser isch als di italienische Küche in Amerika!!
Wenn i sel insern Koch gsog hon (wos dor Andrea Sellari) wor er volle stolz!!
I muas iatz a mol an groaßen Lob und Dank aussprechen für meine Leiter Stefan Brunetti und für meine Eltern das sie mi fohren hoben glosst obwohl oan Elterntoal dorgegen wor!! Danke !!!Danke das i so eppes tolles unbe-schreiblich schians erleben hon getrefft!
Zum Punkt Hoamweah .. natürlich kriag mon Hoamweah ... i hon di ersten 2 Tog Hoamweah kop, weil oanfoch olls zu stressig wor ...( i moan di ersten zwoa Tog direkt in Thailond in Jamboree drinn!!) Ober dornoch hosch koane Zeit mehr kop an dorhoam zu denken ... mir hoben so viel zu tean kop .... des wor so schian i tat glei wieder mitfohren!!! Und wia di Leit olle freindlich sein, olle griasen di olle reden mit dir als tesch sie olle johrelong schun kennen ... i red iatz net lei von di Italiener sondern a von de de i kennenglernt hon von ondere Länder!!!
Danke Danke Danke ... das es mi fohren glosst hobs!!!

... I kannet no an Haufen dorzelen ober hel isch a net lustig .. und sem her i nimer auf des worn lei di schiansten Tog wos i erzehlt hon ... ma wos sog i  olle Tog in Thailond worn schian!!!

Mit einem Pfadfindergruß
Evi Hafner