Dor Hike

Mittelt afn Weg zum Zeltlogerplotz sein mor mit an Hike überrascht wordn. Mir hom in Weg bis zum Hotel Pfösl zrug gian gmiast, wo sie ins donn Lebensmittel und no Zuig gebn hobn. Dornoch hom mor glei an Auto gfundn, des ins noch Rauth gebrocht hot zu die Postkastln. Sem hom mor glei es Rätsel ausgfüllt und hom ausor gfundn, dass mor, wenn mor die Mocht von die Gaiser Pfadis übernemmen welln, an Überfoll geplant hobn. Ban zrug fohrn, wieder mit an netten Autofohrer hot dor Rainer zu long überleg, wo mor aussteign miann, um af die Laab Olm zu kemmen, und mir sein in Petersberg glondet. Von sem aus hot sich die Gruppe in2 getoalt um wieder Deitschnofn zrugzufohrn. Oaner wor sogor so nett und hot ins af Halbweg zur Laabolm auserglossn. Nor sein mor zu Fuaß aui und hom erst amol ausgrostet und epes zu trinken gekriag! Zur Überraschung isch die Sippe II aufgetaucht. Bal amol hom mor die Zeltor aufgebaut und so longsom longsom sein mor kochn gongen! Mir hom ins voll gfressn. Noch awian ratschen sein mor in Zelt oi und hom sem awian umor gebledelt. Die Buabn hom in Radio Fussboll ghorcht und die Medls sein aui zu die netten Wirte, zem es Spiel schaugn und awian ratschn. Nochn Spiel sein mor schlofn gongen und um holb 8e wor mor wieder woch. Noch an guatn Frühstück hom mor ins sell und es Mittogessen verdiant. Mir hom gmiast Äst fan Boden aufklaubn und an Haufn gmocht. Leidor hom mor net gekennt in Sea putzn, weil ins es Lama net glossn hot. Es Mittogessn wor super. Glei drauf hom mor die Zelte ogebaut, hom ins no bedonkt und ins verobschiedet. Afn Rückweg hom mor ins die Wosserstellen und Kreize ungschaug und iaz sitzmor do und roschtn no awian, bevor mor zum Loger zrug kemme ...