Sowoll.. zrug seimer, long ischs her inzwischen schun, ober in groasen und gonzen muas men sogen dasses v geil wor und mir hobm v a hetz kop, a haufen nuie leit kennenglernt und oanfoch lai bled getun, wobei mor jo olm unter dor aufsicht fa die agesci und fan naturnser michl worn. Najo, wia hot des ols ungfongen?

Also des wor so:
Ungefähr genau vor an johr hot ins, see, verena, pedron, hansi, moe und mi, dor bruno gfrog, ob mir interessiert waretn, do noch englond za fohrn bei an eurojam mitzatian. Logisch homer olle koane ahnung kop um woses geat, ober jo homer decht olle gsog und bol die ersten zohlungen getun worn sein hot nor a schun is erste treffen mit die südtiroler unkep, auf des no a poor weitere gfolg hobm. Donn in mai seimor noch rom gfohrn um in gonzen italienischen kontingent za treffen, wor a volle a hetz!=)
Donn in juli, in 29tn, wors nor endlich so weit. Um 7e in dor fria homer ins getroffen um noch verona za fohrn, hem in fliager za schnappen und donn noch rom, hem in fliager noch stansted/london. Hehe die zeit isch schnell umergongen und ehor mirs gecheckt hobm wormor afn logerplotz, nicht ausgekennt homer ins, dunkel wors, hunger homer kop, zelter worn net augebaut und gstunken homer..=) najo zan glick hom ins die „freindlichen“ franzosen awia tomatensupp geben. Zelter sein nor a schnell gstondn und nor homer glai gepennt eigentlich. In negsten tog homer nor ins an essen organisiert, des isch eigentlich durch des gonze loger olm is gleiche gweden: sandwiches mit patatine, bisl speck, eior, a mars und a dose cola fürn gonzen tog... najo weil des grausige wosser wor jo netz a trinken.. unfongs, ober mir hom glernt des a zu verkroften! Die eröffnungsfeior wor v geil, sein olle leit zomkemmen, worn jo insgesomt mehr wia 10000. noch dor prozedur wor nor a geniales konzert eigentlich, hom v spaß kop. Is oanzige blede wor holt olm die nochtruhe, de olm af 12e festgleg wor, de honi ober zun schluss ausi nia mehr inkoltn..=) najo außerdem wor jeden tog an ondere aktivität afn plan, fan kennenlernen fa die oanzelnen länder ibor wossersportorten, europaday, gilwell adventure, wor an erlebnis tog und no sozialorbeit. I glab do obm isch koaner za kurz kemmen, olle leit worn freindlich, mit olle hot men gekennt reden, a wenns hin und wieder bisl verständnisschwierigkeiten gebm hot. Ober des bisl englisch homer olle no zomgebrocht. Tjo so sein die tog vergongen, und viel za schnell schun isch donn dor leschte obend kemmen, wos nor koasn hot obschied nemmen, zuerst mit a groaser obschlusszeremonie mit an gemeinsomen auld lang syne gsungen. Noch a haufn email adressen tauschen usw seimor nor foscht za liegn kemmen. Najo oan obschied wor bsunders hort, a norwegerin wos wirklich a guate freindin gworn isch. In negsten tog homer nor afn umgekehrten weg die hoamreise ungetreten und worn olle v glücklich eigentlich wieder in Italien za sein.

Is isch oanfoch zach wenn men denkt dass men de gonzen leit olle nimmer segn wert, ober is wor an erfohrung, de i in olle empfehlen tet! Do obm erleb men, wos pfadfinder eigentlich für a groase gemeinschoft isch, dass de af dor gonzen welt vertoalt sein und i glab ehrlich gsog, wer mol ba a so an treffen dorbei wor wert die pfadfinder nimmer verlossen!

Rainer