A gonzes Jahrl isch es her,
seit die gonzn Pfadfinder
is leschte mol auf Deitschnofn,
in Hondelstog hom foscht verschlofn.
Na na, sel isch jo gor net wohr,
der Hondelstog, sel sog i dor,
isch auf dem guatn Logr,
a riesengroaßer Schloger.
So terf er a huier fix net fahln,
es brauch an Tog mit viele Zahln,
mit Nock und Zettel und an Omt,
hom olle Kinder an Spass promt.
Dr Vormittog, der wor gonz locker,
do hot’s no niamand g’haut vom Hocker,
do hot lei jeder für sich gschaut,
dass’r gonz viele Nock derklaut.
Um 12e, sem hot’s 13 gschlogn,
sem wor des Loger voller Klogen,
weil scheinbor a boor reiche Schweine,
in Wosservorrot gmocht hom kleine.
Von 12e bis um 6e af nocht,
do wird koan Hohn mehr aufgemocht,
so hots scheinbor von de Leit ghoaßn,
de sich gegn Rescht dr Welt verschwoaßn.
Die Weiße Wasser AG KMECK,
wird lei gezogn durchn Dreck,
die fünf betroffenen Leitersleit,
wern fescht mit Hassparolen beschreit.
Boikott und Untergrundaktionen,
gegn die scheinbor beasen Personen,
solln olls zrug zum Guatn führn,
und in Tuifl am Kreiz feschtschnüren.
Obr meine liabn Leit,
mir, die KMECK AG tian heint,
lei versuachn is Geld zu holn,
des mir gmiast in Stoot hom zohln.
Deswegn wos lern mor aus der Gschicht?
Die Schuldigen, de sein mir nicht,
Dr Tuifl, des isch dr Tot,
oanzig alloan dr Stoot.