Mir, di Jamboree-Teilnehmer, sein (leider ohne Andi) noch Wolfsburg gfohrn um sem nor insorn Partnorstomm kennenzulernen. Noch longe zehn Stundn Fohrt seimer drausn af an riesign Plotz onkemmen.A poor Jurtn sein sem schun gstondn, mir hom si erst amol gmiast auspockn.Bol mor nor ins zwoa fost jungfraülichn Jurtn aufgstellt hom seimer nr zur Eröffnungsfeior ve insern Teilloger und drnoch ven gonzn Logor gongen. Inser Teilloger hot Port Puree ghoasn und wor mit 750 Leit es greaste. Bei dr offiziellen Eröffnung worn nr 5 000 Pfadfinder af oan Fleck. In zweitn Tog hobm mir nr glei ungfongen ins zu präsentiern und hobm an Pizzaofn gmocht. Viele Leit hom gschaug wos mir do tian und monche hobm sich gfrog wiso mir Pizza mochn, wenn mir ve Südtirol sein. De Leit sein iaz olle schlauer. In Tog hobm mir nr mit an gemiatlichn Tog in dr Oase ausklingen glossn. Die Oasen wor a Jurtnkonstrucktionen de als Bars und Treffpunkte gediant hobm. Sem sein nr oft Live-bands augetretn wia zum Beispiel „The Bargeld“ [sö Bargeld] und lustige Togesrückblicke hots a gebn. Leider sein mir mittn im Logor draufkemmen, dass mir net mit insorn Partnorstomm Altenhagen 1 Jamboree fohrn kennen sondern mit zwoa nuie Stämme und zwor mit Kanstanz und Langenargen weil de gleimer be ins sein. Mir hom de Leit nr be an Logorfuior gemiatlich kennenglernt. Togsüber hot men olm gekennt zwischn verschiedene Workshops für jede Oltersklasse wehln. Sel wor a guate Gelegnheit Leit kennenzulernen. Mir hom 3 mol Pizza gmocht. Oan mol hm mr an „special guest“ kop, DER Starkoch Deitschlonds. Herr Attila Hildmann höchstpersönlich hot in insern Teilloger a Showkochn veronstoltet. Dornoch ischer zu seine Homies aus Südtirol gongen und hot mit ins a veganische Pizza gmocht. In jedn Teilloger hots an Singewettstreit gebn. Mir hm logisch mit insern Ex-Partnerstomm Altenhagen mitgeton und zack gwungen. A poor Tog spetor wor nocher es groase Finale, wo mr zack 3. gwordn sein. Oanmol sein mr noch Wolfsburg gongen um sem verschiedene Stationen zu mochn. Dornoch hot a no a bissl Zeit zum shoppen in Kluft und Tiachl außergschaug. In lestn Tog wor sö internationale Brunch. Jede Nation hot a Spezialität aus seinem Lond zubereitet, mir hom Epflkiachln und Straubn gmocht. Mir hom lei Komplimente gegreag. Die Hoamfohrt wor recht vrschlofn und emotional. In Nürnberg sein mr stean gebliebn, dass die Leiter schlofn gekennt hobn. Mir Jungen hm drweil insre Rundn gedrahnt. Mir sein als Gruppe guat zomgwochsn und mir frein ins afs Jamboree in Schweden!!!